Det er store kontrastar på Fosshaugane når sesongen 2024 er ferdig. Bortelaget i blått har gjennomført ein strålande sesong, og har sikra opprykket til Eliteserien for lenge sidan. Ein skuffa gjeng med kvite drakter legg bak seg tidenes verste sesong for Saftbygda. Målet har vore opprykk, og det vart nesten nedrykk til slutt. VIF tok leiinga tidleg med Brajanac, og då blir det tøft for heimelaget. Sogndal svarar nesten med eit par enorme sjansar, men klarar ikkje å setje ballen i mål. Rett etter pause doblar Hagen leiinga. Då var det ingen veg tilbake for sogndølene. Onyebuchi set inn ei scoring like før kampen er slutt, og sluttresultatet blir 0-3. Sesongen 2024 er over, og klubbane kan no begynne å gjere seg klar til sesongen 2025!