Sogndal sikrar eitt poeng på overtid! Det vart ein jamn kamp mellom to gode lag på Fosshaugane, og det er tydeleg at det var mykje som stod på spel. Det var få store sjansar før pause, men Haren slår eit strålande frispark som gir bortelaget leiinga rett før pause. Det er lenge ein open kamp, men det ser ut som at det skal vere avgjort når Vinjor set inn 0-2 etter 77 minutt. Det blir 8 minutt med tilleggstid, og då skjer det mykje. KIL har då berre 10 spelarar etter Arendrup Nielsen sitt raude kort, og Sogndal skapar eit trykk. Asp set inn ei redusering tidleg i overtida, og då blir bortelaget nervøse. Etter 96 minutt får Sogndal ein corner, som dei utnyttar bra. Vapne slår eit bra innlegg som veteranen Flo stangar inn til 2-2! Det vil seie at Kongsvinger ikkje kjem seg inn på topp 2 i dag sjølv om det lenge såg slik ut. Sogndal heng framleis med i kampen om topp 6, og opprykkskampen er på ingen måte avgjort i OBOS-ligaen!